’t Woor bienao Kersmis, tied veur piek en oug de bol
De boum al in d’n ummer, twelf-fieftig woor neet vaol
Ich sjravelde omhoag langs de gammele Vliezo-trap
En zog wo ich de Kerskraom, ’t veurig jaor haw neergekwak
Toen ich pas nog ens op zolder sjtong
En dao miene brugklasagenda vonj
Eine houp auw prolle, dao loog d’r onger
En door ’t laeze wort ich joare jonger
Doa plekde nog foto’s van de Beatles in
Wore nog mit 4, gans in’t begin
Name van lerare, zeikers en brave
Sommige zeen al jaore doad en begrave
Ich wort op eine sjlaag vaol jonger
Dach aan d’n tied wie dae destieds woor
Veur minder den eine golje al ein pilske,
En hieel vaol zeiver oppe MULO veur ein bietje lang haor
W’r hele van aktie, neet van blabla
En lieerde nog d’n echte algebra
Op Vietnam-demonstraties gingse destieds te kieer
En sjrieefdes: "Johnson, doe bos eine moordenieer"
Doa woor geine disco, allein ein jongerekroeg
Doe reejs Mobylette of op eine Puch
En oug mit vaol minder maakde ste de blitz
Wie eine provo op eine witte fits
Ich weet det ich nog dekker es jonge jong
Aan menig podium sjtong
Te kieke wie eine aan ’n gitaar sjtong te plokke
Ich dach: "Es ich groat bon, moos mich det oug ens lokke"
W’r sjtonge in Toppop, Nederland Muziekland
Aopende Pinkpop, sjtonge dek in de krant
En ’t is waal sjtom om van dich zelf te zegke
Mer dao wore luuj die oos foto in d’n agenda plekde
En die missjien oug nao vaol joare
Esse det dengk den nog ens zeen
Denke: "Waat is van die club gewore?"